Elizabetka po śląsku - 2 cz.2008r.

[kogra]

Tak sobie przedstawcie dziołszki co jo teraz robia - nic ino na zegródce siedza a fotki robia i nadziwać sie ni moga na te moji kwiotki. A mój M ino sie po głowie klupko, że jo zgupna jak tak dali pójdzie.
Ino, że ón nie wiy co jo dali kombinuja i jako go czako robota- rychtyk leko mu nie pójdzie. :P

[Iwcia&Patyrek]

Piekny tyn liliowiec, aż mi ślinka nań kapie.

[bogusia177]

Dziołchy jo mom to samo sztyjc szpacyruja po moim konsku łogródka z rękami na zadku z rziciom wypniyntom i nałokrągło zaglądom we kwiotki jak ktoś mie obserwuje to pomyśli ,że fazanka ----bo bezmałaś mi tak godają skwuli nazwiska ---mo kuku na muniu .Czasami sama nad sobą rozwarzuja czy żech je nie echt ale to je choroba kwiotkowo i myśla ,że wiyncy ludzi ją mo

[Gabriela]

Oj mo ta choroba wiyncyj ludzi.
Mie to już jest gańba tak lotać i jeszcze na dodatek zdjyncia robić.
Najlepij to wczas rano abo ganz na wieczór jak juz nikogo nima to mi sobie fajnie loto i oglądo kwiotki.
Ale sobie myśla, a co to kogo łobchodzi co jo robia.
Tak mi sie podobo i już.
Moja działka, moji kwiotki i co komu do tego...

[x-T-s]

kobiety.....czytałam po dwa razy - dopiero rozumiałam.....

[bogusia177]

kobiety.....czytałam po dwa razy - dopiero rozumiałam.....

To bardzo żle ,że trza czytać dwa razy ,żeby drugigo zrozumieć ,za piyrszym razym trza kapnąć sromota jo chodza cołki lata do przedszkola i kapuja a jedni szkoły pokończyli i nic nie kumają

[Elizabetka]

Dziołszki kochane i co Wy na to paczka nie prziszła a dzisiok pyndziałek....chyba wezna jako rogolka i póda na ta poczta.... co sobie oni nie myślą.....jak tyż jutro nie przidzie to yno bydzie kurz, wiater i piyrzi.

Gabuniu a co ty to za stronki yno chcesz oglądać Wiesz muszymy założyć koło gospodyń ogródkowych. To sobie wtedy dopiyro pogodomy.

Kogrusiu jeszcze jedyn kwitł ale jakżech prziszła to już mioł łepek sfiniynty. To są te liliowce tetraploidalne ale jak się tyn "on" nazywo nie wiem. Musiała bych sie Śnieżki zapytać albo poszukać miejsce wele miejsca. Mi sie zdo, że do zimy poszukom. aha no i tyż piyrsze gazanie już kwitną ale musicie wierzyć na słowo bo bez połednie yno pozują do zdjynć.

Urszulko swój swoigo zrozumi....dzięka Bogu wdepłach między Was i moga sie Wom prziznać, że jak przichodza z roboty to najpierw ida na zegrodka...... a potym zaś ida na zegrodka.

Iwonko szkoda tylko, że tak krótko kwitną. Ale są zabójczo piykne. Jak je piyrszy roz zejrzałach na forumie to aż mi sie miękko zrobiło na sercu.....no i tak to mosz.....no i jak tu ni mieć swoigo liliowca.

Boguśko jo mom to samo. Jo sie tam nie przejmuja.... łopata w ręce i jada z tym światym. A miyszkom wele drogi kaj sztyjc chodzą. Wkrótce pokoża jak żech uporządkowała tako jedna grządka. Zetrwejcie ....dzisiej dzień Panny to sie fajnie robiyło. Jeszcze tak ze dwa dni.....ale mój chłopeczek "musi" jeszcze kora skombinować....dostoł specjalne zadanie. Musza mu tak powiedzieć, żeby sie poczuł ważny

Tess jeszcze pora dni i sie podszkolisz. Witej w naszym kółeczku gospodyń ogródkowych. Miło, że mnie odwiedziłaś i serdecznie Cię pozdrawiam.

Bardzo dziękuję Wszystkim za odwiedzenie mojej zegrodki.

[Gabriela]

Gabuniu a co ty to za stronki yno chcesz oglądać Wiesz muszymy założyć koło gospodyń ogródkowych. To sobie wtedy dopiyro pogodomy.

Elżbiytko, chca pooglądac taki stronki, kaj sobie moga kupić, np.jakiś kwiotek.
No np. all., abo coś w tym stylu.
Szkoda że jo nie umia jeszcze sama zakupów robić na all. - robi mi to ziyńć, bo on mo tam konto, a jo ni.
Też bych sobie założyła, ale nie bardzo wiym jak, a chłop kozoł nie pokazywać.
Ale z drugij strony, to chyba dobrze, bo mój M by musioł kaj trzecio robota znojść.
Borok, chyba by tego nie strzimoł - tej trzecij roboty, bo on kwiotki lubi coroz bardzij.
A jeszcze jak sie spotko z kumplami i zacznie godać co on mo na działce, to juz wcale je happy.
Ale chłopy to tak mają, my strzylomy pomysłami, robiymy, cudujymy, a oni sie chwolom.
Do Koła Gospodyń Ogródkowych to jo sie już zapisuja.

[x-T-s]

kobiety.....czytałam po dwa razy - dopiero rozumiałam.....

To bardzo żle ,że trza czytać dwa razy ,żeby drugigo zrozumieć ,za piyrszym razym trza kapnąć sromota jo chodza cołki lata do przedszkola i kapuja a jedni szkoły pokończyli i nic nie kumają

no tak wyszło

pozdrawiam Elu

[julka_]

uwielbiam te wasze rozmówki....uśmiałam sie do łez

[kogra]

To jo sie dziłszki tyż zapisuja do tego koła, jesi mie bydziecie chciały.
A co my w tym kole bydymy robić ? Powiydzcie mi dokładnie, abych była oświycóno. Jo sobie myśla, że bydymy kawke pić, ciastko dobre pojodać i rychtyk na zegródce na leżakach polygować, aby my sie za moc nie przepracowały. Móm recht ?

[Gabriela]

To jo się dziłszki tyż zapisuja do tego koła, jesi mie bydziecie chciały.
A co my w tym kole bydymy robić ? Powiydzcie mi dokładnie, abych była oświycóno. Jo sobie myśla, że bydymy kawke pić, ciastko dobre pojodać i rychtyk na zegródce na leżakach polygować, aby my się za moc nie przepracowały. Móm recht ?

Mosz recht Grażynko.
Yno do tego jeszcze, to bydymy na okrągło godać o naszych kwiotuszkach.

[kryska]

Ale te wasze gadki podobają mi się

[Elizabetka]

Witam Was w Kole gospodyń ogródkowych Gabryśko, Tess'ko, Julko, Grażynko, Boguśko, Kryśko....początek momy za sobą ....nazwa wymyślono uff. To teraz mogymy sobie robić wycieczki przinajmi po forumie a potym mono i sie wybierymy na jakoś wylosowano zegrodka. A bestuż, że jestech na forumie już dwa lata a dokładnie od 04.07.2006r. to jest okazjo u mnie sie spotkać. Kociołek już jest yno zrobiymy fojera ...a do tego
i mogymy zaczynać ale zanim sie uważi to pooglądejcie sobie to co żech popochała.



Drugi liliowiec mi zakwitł (to już mom dwa- tela szczęścia na roz )





A teraz ze zadku....posioto lipina /łubin/ przed truskawkami i bania /dynia/.


Koniec wycieczki. Pora na odpoczynek......wyciągnąć nóżki proszę i pełny relaks. Panie się częstują .

[kocica]

Ja tu czasami zaglądam i podczytuję te zabawne pogaduszki, ale składam niektóre wyrazy jak pierwszoklasista. Teksty macie rewelacyjne, ale dla takiej babki rodem z Trójmiasta to za trudne . A roślinki i ogródeczek śliczny.
Pozdrawiam przemiłe towarzystwo, Ewa.