Elizabetka po śląsku - 2 cz.2008r.

[bogusia177]

Elżbietko ,jo Ci byda pisać Eluś ja bo to pryndzyj ,weż wlyż do tego sklepu i rożnij sobie światło jak jest cima ja ja tam jest Fokus --skleroza

[jolciajci]

Elżbietko ty lepiej tego światła nie pal tylko weż ze sobą latarkę

[Gabriela]

Gabunia nic się nie bój ni moga wyciepnąć tako gryfno dziołcha a cóż dopiyro wyświyncić. Dowej, dowej ....bydzie wielko uciecha. Podziykowani za dobre słowo.

Skoro jest przyzwolyni, no to pisza.

Na glajzach stoi prawdziwo bana,
wielgo i cienżko, blak okapana
nie byle jako - "Halinką"zwana.
Stoi i fuczy,dmucho i bucho
basem ji szarpie i tak sobie grucho:

Buch - jak mi gorko!
Uch - jak mi gorko!
Uff - chyba mora mie dusi!
Puff - dochtór obejrzeć mie musi!

Uż ledwie sapie, uż ledwie zipie,
tyn gupol jeszcze ji wongel sypie.

Do cuga przipli pełno wagonów,
wielgich, jak choby z potwora ogonów.
A w tych wagonach pojęcia ni mocie
co tam nakładli w naturze i w złocie.

Tam były krowy, konie i świnie,
tam byli ludzie skompani w winie.

W jednym wagonie były paskudy
a zaroz za nim trzi wielkie budy.

Był wagon, co mioł pełno bananów
i taki co wiyz sześć fortypianów.

Nie uwierzycie - jak prawiył mój tata,
bo w jednym była prawdziwo armata!

W kolejnym:dwa słonie i sztyry afy,
trzi stare bery i dwie żyray.

A w przedostatnim pakety i kofry,
i ludzie, co jedli smażone gofry.

Tych wagonisków było z szterdzieści
Ponbuczek to wiy co sie w nich zmieści.

I godom wom, że żodyn atleta,
co nigdy nie zjod swjskigo kotleta,
nie pyrtnył byani jednego wagona,
kieby go nawet wkurzyła żona.

A tyn cug richtig doł rady ciynżarom,
bo przeca był napyndzany parom.

Naroz - świst!
Naroz - pisk!
Para - buch!
Koła - w ruch!

Nejprzód jak żółw pomału depcze
i jak kamela co woda chłepcze,
ciąngnie jak kałgumin durch pomału
potym prziśpiyszo, nabiyro cwału.

Krynci sie, krynci koło za kołym
jak mrowka, co loce wartko z mozołym
i durch prziśpiyszo i durch pogonio
i dudni i stuko
a kaj to? a kaj to? on jedzie na wprost,
po glajzach świyconcych gynał na tyn most.
Bez pola, zegrody i tunel, bez las,
śpiycho sobie choby goniył go czas.

Choby kapelmistrz mu dowoł znaki
tak on zapieprzo w rytm taki a taki

Bo tak to,bo tak to,bo tak to to to
gdo godo, nie słucho, a słuch to je to.

Zapieprzo tyn cug, co wagonow mo fol
a po co, a kaj to?a był uż tyn gol?
choć gola nie było,cug wali na wprost
a jo już Was żegnom, wypija sobie - prost!


Musza dodać że wiersz tyn opracowany jest przez p. Kornelię Lach.

[bogusia177]

Jezderkusie dwa wiersze o tym samym ,a kożdy inszy

[jolciajci]

Gabrysiu :P ten wiersz jest super

[Elizabetka]

Gabrielko zgodzom sie z Bogusią i Jolką, że piykny wierszyk wstawiyłaś i żeś nom zafundowała tela rozrywki. Piyjne Dzięki za odwiedzinki.

Fest Wom wszystkim przaja a bestuż tak godom głośno bo sie zbliżo Świynty Walynty. Ni ma to rychtyk polski świynto ale sie fest roztopyrczyło i przyjęło z powodzyniym i u nas. Co dobre to przyjmujemy a co złe to niech to diobli wezną.



A teraz moi tytki co żech kupiyła wczoraj.





No to moga sie szykować do wiosny już na całego.

[Elizabetka]

Wyboczcie ale biera załącznik i ida na chwilka na klachy do Kryski w sprawie tyj tykwy.

[chatte]

Aleś sobie piykne kwiotki kupiła Halżbiytko! A kaj ich bydziesz sioć: w Rybniku, abo na swoim ranczo w górach? Jo zech kiedyś miała ta werbyna z PNOS. Podobała mi się, bo ogromnie fajnie wonio!

[Elizabetka]

Izabelko bania byda sadzić w tym roku na ranczo w górach. Tam na górce jest fest słonecznie i lekko podmokło. Jak pojadymy na wiosna to pościnom pokrziwa i rozłoża tam kaj bydą rosły banie. Reszta posieja kole chałpy.


Żeby tyn wczorajszy dziyń był zakończony jak ta kropka nad "i" to kupiyłach sobie jeszcze to co zawsze fest mi sie podobało tj. opuncja no a żeby i sie samyj nie mierzło to wziyłach kamrata taki mały kaktusik bez nazwy ale widziałach go na forumie i potym poszukom żeby sie nie nazywało, że nie umia znojść.



Teraz to już może być wiosna na całego bo mom większość nasionek. Brakuje mi jeszcze gazania i kalikarpa ale mom namiary od Kryski (Karo) i przez internet zamówia.


W antryju na byfyju stoi szolka tyju.
/Taki małe śląski wierszyk/

[bogusia177]

Jernika jo też lubia kaktusy czamu żeś nie padała jo mom pestek z bani do zabicio ,przywiozła bych Ci na torg w sobota --ale Tyś jest Eluś :P

[Elizabetka]

Jo tyż mom pełno pestek ale w tym roku chciałach trocha odświeżyć bo coś są nie echt. A co ....zaszalałach ociupinkę

[bogusia177]

Nie godej boś myślała ,że kawa bydziesz mi musiała postawić a tak by my wymiana zrobiyły

[Gabriela]

Witej Elżbiytko, chciałach sobie obejrzeć Twoi tytki ale te zarazy nie chciały sie otworzyć.
Za piyrszym razym otwarła sie yno jedna, ale nie popuściyłach. Klikłach drugi roz, no i otwarły sie trzi, no to jo jeszcze roz.
A co, sobie myśla, przeca jak Elżbiytka pokazuje to po to, żeby wszyscy widzieli.
No i nareszcie sie otwarły wszystki. Toch sobie mogła pooglądać co też to jest.
No i mosz fajniste kwiotki i zieleninka.
A te kłujoki tez są cimes :P

[k-c]

ta opuncja jest mrozoodporna???


ja w zeszłym roku posadziłem w ogrodzie i jestem ciekaw jak przezimuje

[Elizabetka]

Bogusiu chyntnie sie z Tobą kawy napija. Sobota i niedziela mom fraj czekom na Cia.

Gabi aż mi ulżyło bo wiysz wszyscy yno kupują i sie chwolą aż mi sie żol zrobiyło. A co jo nie chca być gorszo....

Karolku nie znojdłach na razie odpowiedzi na Twoje pytanie czy ta moja opuncja jest mrozoodporno.
Musza siednąć i poczytać ale już mi sie w oczach troi bo cały dziyń na kompie i najnormalnij w świecie mom dość. Kiereś są na pewno mrozoodporne ale czy akuratnio ta to Ci nie powiym na ta chwila. Zetrwej trocha.
A czyś Ty posadzioł tako sama w swoij zegrodce?
Mono jakoś przetrzimo te najwiyksze przimrozki.
Byda w kontakcie. No to ...